Esperanto

La internacia lingvo

Esperanto estis kreita kun la celo esti justa komunikilo.

Ĝi estas la plej taŭga lingvo por forigi la lingvajn barilojn kaj permesi internacian komunikadon por ĉiuj surbaze de reciproka respekto kaj kompreno. La celo ne estas anstataŭigi la aliajn lingvon sed esti ponto inter la malsamaj lingvaj komunumoj.

Facila kaj riĉa

Esperanto estas pli facila ol aliaj lingvoj ĉar ĝi baziĝas sur logikaj principoj:

  • Prononcado: Esperanto estas komplete fonetika. Ĉiu litero nur havas unu sonon kaj ĉiu sono nur povas esti literumita unumaniere.
  • Gramatiko: Esperanto havas malmultajn regulojn kaj ne havas esceptojn, ekzemple ne ekzistas malregulaj verboj.
  • Vortoprovizo: lernu nur 500 vortradikojn kaj vi havos vortoprovizon de pli ol 5000 vortoj, inkluzive por konceptoj kiujn oni ne povas esprimi en aliaj lingvoj.

Pro ĝia facileco, ni povas rapide lerni Esperanton, uzi ĝin kaj eĉ instrui ĝin. Tial ĝi havas grandan, entuziasman komunumon.

Praktika

Neniam estis tiel facila vojaĝi kaj komuniki internacie.

  • Ni havas plur-kulturajn eventojn: estas mirindege renkonti homojn el la tuta mondo kaj kapabli flue paroli kun ili: ni povas debati, ni povas viziti novajn landojn, ni povas ludi kaj danci kune. La plej grava evento estas la Universala Kongreso kiu permesas, ĉiu-jare, dum tuta semajno al miloj da partoprenantoj renkontiĝi. Estas multe da aliaj, pli malgrandaj eventoj sed ankaŭ pli specifaj, kiel la IJK, farita de junuloj kaj dediĉita al junuloj.
  • La interreto estas por ni: ni estas tutmonda entuziasma komunumo kiu ŝatas komuniki.

Neŭtrala

Kontraste al la plimulto de la lingvoj, Esperanto ne apartenas al iu specifa lando aŭ etna grupo: ĝi estas politike kaj socie neŭtrala.

Esperanto ne estas ilo de iu nacio, nacia grupo, politika partio aŭ socia klaso. Ĝi apartenas al la tuta homaro. Ĉiuj kiuj uzas Esperanton parolas je egaleca nivelo kun aliaj uzantoj de la lingvo. Tio rezultas en impona amika etoso kaj kuneca sento inter la parolantoj.

Esperanto ne celas anstataŭigi ies denaskan lingvon, ĝi simple estas ponta lingvo, komunikilo. La parolantoj de Esperanto grupiĝas en multaj asocioj. La plej granda asocio por parolantoj de Esperanto estas UEA (la kreinto de ĉi tiu retejo). La celo de UEA estas la promociado de Esperanto kiel ilon por pli bona socio (vidu la Pragan Manifeston) kaj la organizado de la eventoj kaj kultura vivo de la komunumo.

La historio de Esperanto

Esperanto estis kreita de Ludwig L. Zamenhof, pola doktoro kiu loĝis en urbo, kie la diversaj lingvaj komunumoj ĉiam miskomprenis kaj batalis unu kontraŭ la alia. Tial li kreis Esperanton kiel lingvon kiun ili povus lerni rapide por interkompreniĝi. Li kreis ĝin en 1887, tempo kiam malmultaj homoj vojaĝis aŭ parolis kun homoj en aliaj landoj. Pro la facileco de internacia vojaĝado kaj la interreto, Esperanto nur nun havas grandegan sukceson. Ĝi estas parolata de du milionoj da homoj tutmonde. Lastjare pli ol 400 000 homoj eklernis ĝin.

Iĝu Amiko de Esperanto