Ĉi tie vi trovas plurajn eblecojn por lerni Esperanton. Ne ekzistas unusola ideala kurso por ĉiuj homoj – elprovu plurajn kaj eble partoprenu en diversaj kursoj, samtempe aŭ sinsekve. La komunumo havas multajn interesajn flankojn, kiujn vi pli bone ekkonos, se vi iom komprenos la lingvon.

Lernu

La retejo Lernu.net proponas  Esperanto-kursojn en pluraj dekoj da  lingvoj. Ĝi proponas al vi ankaŭ enretan komunumon kun forumo kaj lingvohelpantoj. Certe unu el la plej bonaj lokoj por komenci vian lernadon de Esperanto.

Viziti

Duolingo

Duolingo.com estas tre moderna lingvokursejo kaj la Esperanto-kurso en ĝi permesas al vi akiri bonan nivelon. Nun ĝi disponeblas por la angla kaj la hispana; baldaŭ aliaj lingvoj sekvos.

Viziti

Pasporto al la tuta mondo

“Pasporto al la tuta mondo” estas serio de DVDoj, nun ankaŭ  spekteblaj senpage en Youtube. Per la scenoj/kurso vi povas tre amuze lerni Esperanton.

Viziti

Kurso de Esperanto

La “Kurso de Esperanto” estas komputila programo,  kiun vi povas elŝuti kaj instali sur via komputilo. Ĝi  tre bone instruas la bazon de Esperanto, kun multaj ekzercoj.

Viziti

Universala Esperanto Metodo

La “Universala Esperanto-Metodo” instruas per la rekta metodo (nur per bildoj, sen uzi instrulingvon). Oni povas legi la kursopaĝojn en interreto, ekzemple http://eduinf.waw.pl/esp/lern/uem/index.php aŭ sekvi la kurson kun voĉo ĉe Youtube, https://www.youtube.com/watch?v=QuQEeE5WgNw

Viziti

Esperanto en 12 tagoj

Tiu kurso haveblas en multaj lingvoj kaj speciale bonas por poŝtelefonoj. Ĝi estas parto de la “Zagreba metodo”, konata serio de lernomaterialo.

Viziti

Lokaj kursoj

Lokaj Esperanto-kursoj estas aparte rekomendindaj, ĉar vi povos tuj ekparoli Esperanton kun veraj homoj. Bonvolu kontakti vian landan asocion de Esperanto por tio aŭ serĉu informojn en interreto. Indas aparte konsideri semajnfinajn kursojn, ĉar ili donas al vi pli grandan progreson en unu fojo kaj bone motivigas vin daŭrigi.

Ĉiusemajnaj aŭ semajnfinaj Esperanto-kursoj ankaŭ bonas por daŭrigi la lernadon post eble komenca lernado en interreto.