Lernu

Lernu enhavas Esperanto-kursojn en multegaj lingvoj. Ĝi ankaŭ ofertas al vi komunumon – lingvohelpantoj, forumon kaj tiel plu – do ĝi estas bonega loko por komenci

Viziti

Duolingo

Duolingo estas tre moderna lingvokursejo kaj la Esperanto-kurso en ĝi permesas al vi akiri bonan nivelon. Bedaŭrinde ĝi nur haveblas por la angla kaj baldaŭ por la hispana.

Viziti

Pasporto al la tuta mondo

Pasporto al la tuta mondo estas serio de DVDoj, nun ankaŭ haveblaj senpage en Youtube, per kiuj vi povas tre amuze lerni Esperanton.

Viziti

Kurso de Esperanto

Se vi ofte ne havas interreton, Kurso de Esperanto eble estas por vi, ĉar ĝi estas softvaro por elŝuti. Ĝi nur instruas malmultajn lecionojn, sed instruas tiujn tre bone.

Viziti

Universala Esperanto Metodo

La “Universala Esperanto Metodo” instruas per la rekta metodo (nur per bildoj, sen uzi la anglan aŭ alian lingvon), do ĝi tre taŭgas se vi volas “submerĝi” vin en Esperanton.

Viziti

Esperanto en 12 tagoj

Ĉi tiu kurso baziĝas sur la Zagreba metodo. Ĝi haveblas en multaj lingvoj kaj speciale bonas por poŝtelefonoj.

Viziti

Lokaj kursoj

Lokaj grupaj kursoj de Esperanto estas aparte rekomendindaj, ĉar vi povos tuj ekparoli Esperanton kun veraj homoj. Bedaŭrinde ne eblas havi aktualan liston de lokaj kursoj ĉie en la mondo en ĉi tiu paĝo. Bonvolu kontakti vian landan asocion de Esperanto por tio.