Lernu

La retejo Lernu.net ofertas Esperanto-kursojn en pluraj dekoj da lingvoj. Ĝi ofertas al vi ankaŭ enretan komunumon kun forumo kaj lingvohelpantoj. Certe unu el la plej bonaj lokoj por komenci vian lernadon de Esperanto.

Viziti

Duolingo

Duolingo.com estas tre moderna lingvokursejo kaj la Esperanto-kurso en ĝi permesas al vi akiri bonan nivelon. Nun ĝi disponeblas por la angla kaj la hispana; baldaŭ aliaj lingvoj sekvos.

Viziti

Pasporto al la tuta mondo

“Pasporto al la tuta mondo” estas serio de DVDoj, nun ankaŭ spekteblaj senpage en Youtube, per kiuj vi povas tre amuze lerni Esperanton.

Viziti

Kurso de Esperanto

La “Kurso de Esperanto” estas komputila programo, kiun vi povas elŝuti kaj instali sur via komputilo. Ĝi tre bone instruas la bazon de Esperanto, kun multaj ekzercoj.

Viziti

Universala Esperanto Metodo

La “Universala Esperanto Metodo” instruas per la rekta metodo (nur per bildoj, sen uzi la anglan aŭ alian lingvon), do ĝi tre taŭgas se vi volas “submerĝi” vin en Esperanton.

Viziti

Esperanto en 12 tagoj

Ĉi tiu kurso baziĝas sur la Zagreba metodo. Ĝi haveblas en multaj lingvoj kaj speciale bonas por poŝtelefonoj.

Viziti

Lokaj kursoj

Lokaj Esperanto-kursoj estas aparte rekomendindaj, ĉar vi povos tuj ekparoli Esperanton kun veraj homoj. Bonvolu kontakti vian landan asocion de Esperanto por tio aŭ serĉu informojn en interreto. Indas aparte konsideri semajnfinajn kursojn, ĉar ili donas al vi pli grandan progreson en unu fojo kaj bone motivigas vin daŭrigi.