Paula Mährti

MÄHRTI Paula. Pseŭdonimo.

Kiam aperis en 1997 la romano La Manto de la pseŭdonimo Paula Mährti, tuj ekbolis spekulativado pri kiu efektive estas tiu aŭtoro. Iuj subtenis la intencon de la verkinto, supozante (aŭ ŝajnigante supozi), ke temas pri Perla Martinelli, la persono kiun ĉefe kalumnias la romano. Kial ŝi havus motivon prezenti sin mem tiel ege mizogine, neniu zorgis motivi. Aliaj asertis, ke temas pri Aldo de'Giorgi, alia viktimo de la romano. Krome oni atentigis, ke la pseŭdonimo estas preskaŭa anagramo de Haupenthal. Sed per tio ankaŭ finiĝas la haŭpentaleco de ĉi verko.

Post la morto de Aldo de'Giorgi en 2003 aperis el pluraj flankoj detalaj asertoj, laŭ kiuj la aŭtoro efektive estis li. Kvankam tio povas ŝajni psikologie kaj lingve duba, tamen tiuj asertoj ne vekis gravajn kontraŭdirojn. Ĉiuokaze, aliaj kandidatoj mankas.

Sten Johansson



Verko:
La Manto (romano, 1997)




Reen al: Aŭtoroj - Poemaroj - Romanoj - Dramoj - Noveloj/rakontoj