Gonçalo Neves

NEVES, Gonçalo. 1964. Portugalo. Agronomo, licenciito pri plantpatologio. Naskiĝis en Setúbal. Lernis Esperanton en 1987. Aktivis en la Portugalia Esperantomovado inter 1987 kaj 1993. Ekverkis en 1989. Akademiano 1995-1998. Premiiĝis en la Internaciaj Floraj Ludoj kaj en la Belartaj Konkursoj de UEA. Aperigis poemojn, novelojn, eseojn en pluraj gazetoj. Prelegis pri literaturaj temoj. Kune kun Miguel Fernández, Jorge Camacho kaj Liven Dek formas "Iberan grupon" en la Esperanta literaturo. Verkis ankaŭ en Ido.

Verkoj:
Ibere libere (kun la Ibera grupo, poemoj 1993)
Kompreni (noveloj 1993)
Ekstremoj (kun la Ibera grupo, noveloj 1997)
Simptomoj (poemoj 2000)
Xavier de Maistre: Vojaĝo ĉirkau mia ĉambro (Traduko el la franca, 2008)
Historia vortaro de Esperanto (2011)
Recenze (Recenzoj, 2018)
Periskope (Prilingvaj blogaĵoj, 2018)

Kontribuis al "Tempo fuĝas" (1995) kaj "La Deka logo" (2001).

Kontribuis al Pri homoj kaj verkoj. Eseoj pri la Esperanto-kulturo premiitaj en la Belartaj Konkursoj. UEA 2012.

Legu eseeton de István Ertl el 1996: LA IBERA SKOLO

Legu verkojn de Gonçalo Neves


Reen al: Aŭtoroj - RomanojNoveloj/rakontojPoemaroj