Wouter Frank Pilger

PILGER, Wouter Frank. 1942-2006. Nederlandano; redaktoro de lernolibroj. Esperantisto de ĉ. 1958. Li verkis poemojn kaj rakontojn kaj tradukis poemojn kaj kantojn. Tradukis infanlibrojn. Kompilis listojn de nomoj de bestoj, plantoj, slangaĵoj kaj alio. Faris versiojn Esperanto-Nederlanda kaj Esperanto-Esperanto de baza vortlisto (2500 radikoj de "Baza Radikaro Oficiala").
Verkoj:
Ne ĉiam (poemoj, 1974)
Tondaĵoj (poemoj, 1978)
Ulenspieghel t.e. Strigspegulo (traduko, 1974)
Ribela saĝo (traduko, 1977)
En frua majmateno: Kelkaj perloj el la mezepoka nederlanda poezio (traduko, 1977)
Amoro kaj amo (traduko, 1974)
Soife mortas mi (traduko, 1977)

/William Auld en Esperanta Antologio, 1984.

Wouter Pilger kreis kelkajn terminarojn kun la komuna titolo Provizora Privata Listo de... Kelkaj troviĝas nur rete. Libroforme aperis:
...komunlingvaj nomoj de plantoj de nordokcidenta Euxropo (1982)
...nomoj de bestoj. Mamuloj (1992)
Tradukitaj infanlibroj:
Rudyard Kipling: Tiel do. Rakontoj por malgrandaj infanoj. (traduko, 1992)

TTT-paĝo de Wouter Pilger.

Reen al: Aŭtoroj - Romanoj - Noveloj/rakontoj - Poemaroj