La interreto ĉiam estis beno por Esperanto. Ĝi permesas al la disa komunumo pli facilan konektiĝon. Unu el la profitantoj estas la podkastoj kaj retradioj. Jen kelkaj el la plej konataj:
Muzaiko
Muzaiko estas plentempa retradio en Esperanto, kiu ludas esperantan muzikon, intervjuojn kaj riportaĵojn el la tuta mondo.
Ĉina Radio Internacia
ĈRI havas preskaŭ ĉiutage novan unuhoran radio-elsendon kun novaĵoj en Esperanto.
3ZZZradio
La ĉiusemajnaj elsendoj de 3ZZZradio el Aŭstralio ofte fokusigas beletron kaj interesaĵojn, ekzemple de la gazeto Monato.
Varsovia Vento
La podkastoj de Varsovia Vento aparte konatas pro viglaj riportaĵoj de Esperantaj eventoj kaj intervjuoj kun muzikistoj.
Radio Vatikana
Elsendas trifoje semajne, de la 21:20 ĝis 21:30 horo (laŭ la leĝa tempo en Vatikano).
Radio Havano Kubo
Radio Havano produktas elsendojn en Esperanto preskaŭ ĉiun semajnon, aŭskultu ilin por havi novaĵojn el Kubo kaj ĝenerale pri la Esperanto-movado.
Aminda Radio Esperanto
Aŭskultu la ĉiusemajnan podkaston por lerni pli pri diversaj temoj kaj Madagaskaro en Esperanto.
Kern.punkto Info
Se vi volas profunde lerni pri io, jen la podkastoserio por vi. Ĉiu epizodo esploras nur unu temon dum ĉirkaŭ unu horo.