Per Esperanto, vi povas malkovri la vivon de plej diversaj homoj tutmonde – ankaŭ de tiuj homoj, kiuj ne havas sufiĉe da rimedoj por lerni aliajn fremdajn lingvojn. Vi ankaŭ povas legi tutmondajn novaĵojn aŭ novaĵojn pri la mondo de Esperanto.
Ĉina Radio Internacia
Ĉinio proponas al ni la plej aktualajn novaĵojn pri la mondo. Vi povas aŭ legi ilin aŭ aŭskulti ilin en radio / podkasto. Se vi preferas novaĵojn pri Ĉinio, legu “El Popola Ĉinio“.
Le Monde Diplomatique
Se vi volas legi ampleksajn analizojn kaj komentojn pri novaĵoj, la Esperanta versio de Le Monde Diplomatique estas la ĝusta retejo por vi.
Novaĵoj el Pola Retradio
La Pola Retradio regule informas en Esperanto pri polaj novaĵoj kaj pri la esperanta movado. Ĉiuj novaĵeroj estas kaj skribitaj kaj surbendigitaj, do perfektas por lernantoj de Esperanto.
Libera Folio
Naciaj gazetoj malofte raportas pri la okazaĵoj de Esperantujo, do legu pri ili en Libera Folio.
Global Voices
Ĉu vi volas scii kia estas la vera vivo en landoj, kiuj malofte aperas en la novaĵoj? Jen Global Voices en Esperanto.
Gazetaraj Komunikoj de UEA
Se vi scivolemas kion faras nia asocio, legu la Gazetarajn Komunikojn.